Илья Ильин Олимпиада ойындарының тағы бір іріктеу кезеңіне қатысады
oldkaz.kyzylorda-news.kz. Қазақстандық зілтемірші Илья Ильин Токиодағы тестілік турнирге қатысады, деп хабарлайды ҚР ауыр атлетика федерациясының баспасөз қызметі.
Бұл турнир 2020 жылғы Олимпиада ойындарына іріктеу кезеңінің бірі болып саналады.Жарыс 6-7 шілде күндері өтеді. Ал қазақстандық зілтеміршілер 7 шілде күні жарыс тұғырына шығады. Бұл дода Илья Ильинмен бірге 109 килоға дейінгі салмақта Ибрагим Берсанов бақ сынайды. Ал әйелдер арасында 87 килоға дейінгі салмақта Лариса Кобелева қатысады.
Еске сала кетейік, Халықаралық ауыр атлетика федерациясының (IWF) жаңа ережелеріне сәйкес, спортшылар Олимпиада ойындарына дейін бірнеше іріктеу жарыстарына қатысуы міндетті.
