«Шахмат – сенің әлемің»
oldkaz.kyzylorda-news.kz. «ҚАМБАШ» олимпиадалар және қосымша білім беру орталығында «Шахмат – сенің әлемің» атты ауысым өз мәресіне жетті.
Ауысым барысында 6 шахмат үйірмесі тұрақты жұмыс жасап, облыс орталығынан келген жаттықтырушылар тынығушыларға шахматтан мастер-класс ұйымдастырды.
Сонымен қатар ауысым ішінде 6-14 жас аралығындағы оқушылар арасында облыстық шахмат турнирі өтіп, ауысымды жабу салтанатында оза шапқан үздіктер бағалы сыйлықтармен марапатталды.
Турнир директоры Л.Хамзина шахмат федерациясына, облыстық білім басқармасына және орталық қызметкерлеріне алғысын білдіріп, турнирді қорытындылады.
