Қызылордада жұмыс сапарымен Олжас Абраев болды
oldkaz.kyzylorda-news.kz. Қазақстан Кәсіпқой Футбол лигасының президенті Олжас Абраев жұмыс сапарымен Қызылордада болды.
Сапар барысында Олжас Шакенұлы аймақтың футбол орталықтарын аралап, жұмыс барысымен танысты. Алдымен Ғани Мұратбаев атындағы орталық стадионның қосалқы алаңында болып, көгалдың сапасын тексерістен өткізді. Сонымен қатар күрделі жөндеуден өтіп жатқан орталық стадионды шолып, құрылысымен танысты.Кәсіпқой футбол лигасының басшысы келесі бағытты Локоматив стадионы бұрып, стадионның жасанды алаңының бүгінгі ахуалын байқады. Сондай-ақ ол "Қайсардың" базасына барып, онда Қызылорда футболының тарихы және команданың асханасы, жатын бөлмесі, медициналық бөлмелерін аралады.
Айта кетейік, Кәсіпқой Футбол лигасының президенті Олжас Шакенұлы "Қайсар" мен "Тобыл" арасындағы кездесудің қонағы болды.
