Қызылордада парадзюдодан халықаралық турнир басталды
Бүгін яғни 5 сәуір күні Қызылорда қаласы «Мұз айдыны» спорт кешенінде парадзюдодан ересектер арасында халықаралық турнир басталды, деп хабарлайды oldkaz.kyzylorda-news.kz облыс әкімінің баспасөз қызметіне сілтеме жасап.
Облыста алғашқы мәрте ұйымдастырылатын дүбірлі бәсекеге Америка Құрама Штаттары, Біріккен Араб Әмірлігі, Грузия, Өзбекстан, Ресей, Румыния, Оңтүстік Корея және Қазақстан елдерінің парадзюдошылары қатысады.Жарыс ерлер арасында 8 салмақта (-60, -66, -73, -81, -90, -100, +100 келі), әйелдер арасында 2 салмақта (-57, +70 келі) өтеді.
Жарысты ұйымдастырушылар: Қызылорда облысының әкімдігі, ҚР парадзюдо федерациясы.
