Тоғызқұмалақтан халықаралық турнирдің жеңімпаздары анықталды

Қызылордада 2-6 наурыз аралығында мемлекет және қоғам қайраткері Нәлқожа Ергешбаевты еске алуға арналған тоғызқұмалақтан халықаралық турнир өтті, деп хабарлайды oldkaz.kyzylorda-news.kz.

Биыл он екінші мәрте ұйымдастырылған дүбірлі бәсекеге Ауғанстан, Әзірбайжан, Қырғызстан, Түркіменстан, Түркия, Болгария, Моңғолия, Босния және Герцеговина, Қазақстанның әр өңірінен келген 220 тоғызқұмалақшылар ұлттық ойынды ұлықтады. Олардың арасында 8 халықаралық дәрежедегі спорт шебері, 14 спорт шебері, 70-тен аса спорт шеберіне үміткер спортшылар болды. Жарыс классика бойынша 9 турда, жас ерекшелігіне сәйкес 4 топта өткізілді.

Турнирде «Ең жас ойыншы» номинациясына 7 жастағы қызылордалық Құлмұханбет Қашқынбай ие болса, «Тарлан ойыншы» номинациясымен 68 жастағы Тереңөзек кентінің тумасы Мектепхан Елеусінов марапатталды.

Жеңімпаздар мен жүлдегерлерге диплом, кубок және ақшалай сыйлықтар табысталды.

Турнир нәтижесі:

15 жасқа дейінгі жасөспірім қыздар:

I орын Жәмиля Баилдяшева (Павлодар)

II орын Бекзат Әмір (Қызылорда)

III орын Ақерке Құдайберген (Түркістан)

15 жасқа дейінгі жасөспірім ұлдар:

I орын Дамир Ахметов (Сырдария)

II орын Элдияр Далиев (Түркістан)

III орын Жантөре Аманқос (Сырдария)

Әйелдер арасында:

I орын Ақерке Кенжебекова (Сырдария)