Данияр Елеусінов келесі жекпе-жегін кәсіпқой рингте 60 рет жұдырықтасқан мексикалыққа қарсы өткізеді
Қазақстандық боксшы Данияр Елеусінов (5-0, 3 КО) өзінің жаңа қарсыласының есімін жариялады, - деп хабарлайды Tengrinews.kz.

БАҚ мәліметі бойынша, Елеусінов 36 жастағы Сильверио Ортиспен (37-23, 18 КО) жұдырықтасады. Ол кәсіпқой рингте 60 жекпе-жек өткізген. Бұл жекпе-жек 8 раундтан тұрады.
Еске салайық, Елеусінов былтыр қарашада Монакода өткен бокс кешінде никарагуалық Маркос Мохикуды техникалық нокаутпен жеңген. Жекпе-жектің видеосын мына сілтеме арқылы көруге болады. Ол жекпе-жекте Елеусінов қарсыласын екінші раундта екі рет нокдаунға түсірген. Үшінші раундта никарагуалық тағы бір рет нокдаунға түсіп, осы раундтың 1:53 минуттында төреші жекпе-жекті тоқтатты.
27 жастағы Елеусінов кәсіпқой алаңда 5 жекпе-жек өткізіп, бәрін жеңспен аяқтаған. Оның үшеуі уақытынан бұрын аяқталған.