Kyzylorda-News.kz

Ағымдағы жылдың 3-17 қаңтар аралығында Павлодар қаласында шахматтан жасөспірімдер мен қыздар арасында Қазақстан Республикасының чемпионаты өтті, деп хабарлайды oldkaz.kyzylorda-news.kz ақпараттық агенттігі.

  Дүбірлі додада Қызылорда облысының командасы, №1 облыстық олимпиадалық резервтің мамандандырылған балалар-жасөспірімдер мектебінің шахматшылары 5 алтын, 4 күміс, 3 қола, барлығы 12 медаль олжалап, жалпыкомандалық  есепте ІІ орынды иеленді.

Жекелей сында классика бойынша Сұлтан Аманжол (14 жасқа дейін), Назерке Нұрғали (16 жасқа дейін) және Әсел Серікбай (18 жасқа дейін) Қазақстан чемпиондары атанса, Сақыпжамал Бармағамбетова (18 жасқа дейін) күміс, Мейірхан Ақылжан (8 жасқа дейін) қола жүлделерге ие болды.

Рапид бойынша Әсел Серікбай, Назерке Нұрғали, Сұлтан Аманжол күміс, Мейірхан Ақылжан  қола жүлделерге қол жеткізді.

Блиц бойынша Әсел Серікбай мен Назерке Нұрғали алтын медальдарды жеңіп алса, Мейірхан Ақылжанға қола жүлде бұйырды.