САНЧЕС НЕЛІКТЕН ГОЛОВКИННІҢ ЖЕҢІСІНЕ СЕНІМДІ ЕКЕНІН АЙТТЫ
Орта салмақта WBC, WBA (Super) және IBO чемпионы Геннадий Головкиннің (38-0-1, 34 КО) бапкері Абель Санчес Vesti.kz тілшісіне берген сұхбатында қазақстандық боксшы мексикалық Сауль Альвареспен (49-1-2, 34 КО) қарымтада үлкен қиындықтарға тап болмайтынына сенімділік білдірді, деп хабарлайды tengrinews.kz."Мектепте бақылау жұмысын тапсырар алдында, қойылған сұрақтарға жауап табасыздар. "Канеломен" қарымта Головкин үшін сондай бір тест сияқты. Геннадий алғашқы жекпе-жекте жеңген. Оны бәрі біледі. Ал оның өзі "Канелоның" қолынан не келетінін біледі. Енді біз жоспарлап қойғанымызбен алғашқы жекпе-жекте көрсете алмай қалғанымызды іске асырамыз. Геннадий өте жинақы. Ол болып жатқан жағдайға қуанышты. Бұл рематчте бәрі тамаша", - дейді Санчес.
Еске салайық, Головкин мен Альварестің қарымтасы Лас-Вегастағы T-Mobile аренасында өтеді. Астана уақытымен жекпе-жек 16 қыркүйек таңғысын басталады.
https://kaz.tengrinews.kz/boxing/sanches-nelkten-golovkinnn-jensne-senmd-ekenn-ayttyi-291997/
