АЗИАДА-2018: РЕГБИШІ ҚЫЗДАР ЕЛ ҚОРЖЫНЫНА СОҢҒЫ МЕДАЛЬДІ САЛДЫ
Қазақстанның регбиден әйелдер құрамасы үшінші орын үшін болған ойында таиландтық команданы тізе бүктірді, деп хабарлайды ҚазАқпарат «SPORTINFORM» САА-ға сілтеме жасап.Индонезияда өтіп жатқан 2018 жылғы Азиада ойындарының соңғы күнінде қазақстандық спортшылар өнер көрсетпейді, сол себепті бұл ел қоржынына түскен соңғы медаль болып саналады.
Осылайша Қазақстанның спортшылары 76 медаль олжалады: оның 15-і алтын, 17-сі күміс, 44-і қола. Жалпы медаль саны бойынша отандастарымыз 9-шы орынға табан тіреді.
