ШАҒАНДА БЫЛҒАРЫ ҚОЛҒАП ШЕБЕРЛЕРІНІҢ ТУРНИРІ ӨТТІ
Өткен аптаның аяғында Сырдария ауданы Шаған ауылында Кеңес үкіметінің спорт шебері Асылбек Матиковтың құрметіне арналған 1998-2004 жылдардағы жасөспірімдер арасында дәстүрлі турнир өтті.
Алғашында бұл сайыс тек жергілікті спортшылардың арасында ғана өткізілетін-ді. Дегенмен жылдар өте келе сайыс дәрежесі жоғарылап, басқа облыстардан спортшылар келе бастаған. Бұл турнирге Ақтөбе, Алматы және Атырау облыстарының былғары қолғап шеберлері бақ сынасты. Өзіміздің облыстардан да барлық аудан спортшылары мен Қызылорда және Байқоңыр қалаларының жасөспірімдерінен барлығы 200-ге жуық былғары қолғап шеберлері қатысты.
Спортшылар жас айырмашылығы және салмақ дәрежесі бойынша үш топқа бөлінді. Турнирдің ашылу салтанатына «Шаған жер» ЖШС директоры, Сырдария аудандық мәслихатының депутаты Бердіқұл Қадіров, Шаған ауылдық округінің әкімі Абдолла Атақаев, А.Матиковтың туыстары, демеушілер және ұйымдастырушылар сөз сөйлеп, спортшыларға жеңіс тіледі.
Айта кету керек, ұйымдастырылып отырған турнир жуырда ғана облыс әкімі Қырымбек Көшербаевтың қатысуымен пайдалануға берілген жаңа спорт кешенінде өткізілді.
Екі күнге созылған сайыста мықтылар озып шығып, жеңімпаздар облыстық дене шынықтыру және спорт басқармасының арнайы дипломдарымен, сондай-ақ демеушілердің дайындаған бағалы сыйлықтарымен марапатталды.
Шынар БЕКБАН
Алғашында бұл сайыс тек жергілікті спортшылардың арасында ғана өткізілетін-ді. Дегенмен жылдар өте келе сайыс дәрежесі жоғарылап, басқа облыстардан спортшылар келе бастаған. Бұл турнирге Ақтөбе, Алматы және Атырау облыстарының былғары қолғап шеберлері бақ сынасты. Өзіміздің облыстардан да барлық аудан спортшылары мен Қызылорда және Байқоңыр қалаларының жасөспірімдерінен барлығы 200-ге жуық былғары қолғап шеберлері қатысты.
Спортшылар жас айырмашылығы және салмақ дәрежесі бойынша үш топқа бөлінді. Турнирдің ашылу салтанатына «Шаған жер» ЖШС директоры, Сырдария аудандық мәслихатының депутаты Бердіқұл Қадіров, Шаған ауылдық округінің әкімі Абдолла Атақаев, А.Матиковтың туыстары, демеушілер және ұйымдастырушылар сөз сөйлеп, спортшыларға жеңіс тіледі.
Айта кету керек, ұйымдастырылып отырған турнир жуырда ғана облыс әкімі Қырымбек Көшербаевтың қатысуымен пайдалануға берілген жаңа спорт кешенінде өткізілді.
Екі күнге созылған сайыста мықтылар озып шығып, жеңімпаздар облыстық дене шынықтыру және спорт басқармасының арнайы дипломдарымен, сондай-ақ демеушілердің дайындаған бағалы сыйлықтарымен марапатталды.
Шынар БЕКБАН
