Kyzylorda-News.kz

 

    Мемлекет басшысы Нұрсұлтан Назарбаев «Нұрлы жол – болашаққа бастар жол» атты Жолдауында «Біз өзіміздің бірлігіміз бен еларалық қатынасымызды сақтауымыз керек. Бұны біз үшін ешкім де ешқашан жасап бермейді. Біздің жастарымыз жаңа, тәуелсіз елде өсіп келе жатыр», -  деп атап көрсетті.
    2014 жылғы 10-11 желтоқсанда Қызылорда облысы ТЖД «ӨС және АҚЖҚ» мемлекеттік мекемесінің спорт залында облыстық Төтенше жағдайлар департаментінің құрылымдық бөлімдері арасында Қазақстан Республикасының Тәуелсіздік күніне арналған спорттық жарыстар өткізілді.
    Жарыс үстел теннисі мен волейболдан өтті.
    Волейбол ойыны бойынша 10 команда қатысты. Ойын басталғаннан өздерін шыңдап дайындалған ойыншылар екенін көрсете білген Қызылорда облысы ТЖД «ӨС және АҚЖҚ» мемлекеттік мекемесінің № 12 өрт сөндіру бөлімінің командасы жеңіс тұғырынан көрінді. ӘАҚҚ «Құтқарушы» АҚ командасы 2-орынды иеленсе, Қызылорда қаласы №2 МӨСБ командасы межелі 3-орынды місе тұтты.
    Стол теннисі бойынша 1-орынды Қызылорда облысы ТЖД «ӨС және АҚЖҚ» мемлекеттік мекемесінің аппарат құрама командасы иеленсе, 2-орын Қызылорда қаласы №2 МӨСБ командасына, 3-орын Қызылорда облысы ТЖД «Суда құтқару қызметі» мемлекеттік мекемесінің командасына берілді.
    Үнемі спорттық жаттығулармен айналысу өртке қарсы қызмет қызметкерлерінің өмірімен тығыз байланысты және олардың денелерінің шымыр болып қалыптасып, көңіл-күйлерінің тұрақты болуына септігін тигізеді.
    Қызылорда облыстық ТЖД
    ӨС және АҚЖҚ ММ
    баспасөз қызметі