Kyzylorda-News.kz

 

    Қорқыт Ата атындағы ҚМУ-де спорттың 11 түрінен 9 күнге созылған бірінші курс студенттерінің спартакиадасы өз мәресіне жетті, деп хабарлайды университеттің баспасөз  қызметі.
    300-ге жуық студенттер қатысқан  спартакиада қорытындысы бойынша гуманитарлық-педагогикалық факультетінің студенттері 1-орынды және ауыспалы кубокты жеңіп алды. 2-орынды политехникалық факультетінің студенттері, 3-орынды тарих, құқық және экономика факультетінің студенттері иеленді.
    Әрбір спорт түрі бойынша да жүлделі орындарды иеленген командаларға және ерекше белсенділік танытқан студенттерге университет ректорының марапаттаулары мен алғыс хаттары табысталып бағалы  сыйлықтар берілді.
    Фариза ОМАРОВА