Kyzylorda-News.kz

 

    Семей қаласында ауыр атлетикадан 17 жасқа дейінгі жасөспірімдер арасында республикалық чемпионаты аяқталды. Жеті күнге созылған жарыста 300-ге жуық зілтеміршілер кімнің мықты екенін анықтады. Бұл туралы облыстық дене шынықтыру және спорт басқармасының баспасөз хатшысы Лаура Шоңғалова мәлімдеді.
    Аталмыш жарыстан Қызылорда облысының құрама командасы 200 ұпаймен командалық есепте көш бастады. 189 ұпаймен Қарағанды облысы екінші орынды иеленсе, 170 ұпаймен Алматы қаласы үшінші орынды иеленді.
    Жарыс қорытындысы бойынша 62 келі салмақ дәрежесінде Арыстанбек Жақанша (спорт интернат) чемпион атанды. Ол жұлқа көтеруде 95, серпе көтеруде 121, қоссайыста 216 келіні бағындырды. 85 келіде Мейіржан Молдағали (спорт интернат) алтын жүлдені иеленді. Жұлқа көтеруде 125, серпе көтеруде 157, қоссайыста 282 келіні бағындырды. Қазіргі таңда Мейіржан Қызылорда индустриалдық-техникалық колледжінің 1-курс студенті.
    Ал 48 келіде шиелілік Айсамал Сансызбаева, 56 келіде Айдос Тұрсынбай, 69 келіде Әділ Дөңсебай, 94 келіде Марлен Жұмәділ күміс жүлдені иеленді.
    50 келіде Ерасыл Ергенбай, 62 келіде Серікбол Аманжол және 77 келіде Нұрбол Сағыбаев қола жүлдеге ие болды.
    Жеңімпаз атанған спортшылар бүгінгі таңда желтоқсанда Доха қаласында (Катар) өтетін Азия чемпионатына дайындалуда.