Kyzylorda-News.kz

 

    25-26 казан күндері М.Нәлібаев ауылында Жаңақорған ауданының егіншілік пен мал шаруашылығының дамуына өз үлесін қосқан, "Кұрмет" орденінің иегері, еңбек ардагері Машбек Нәлібаевты еске алуға арналған қазақ күресінен республикалық турнир болып өтті. Бұл туралы аудан әкімінің баспасөз қызметі хабарлады.
    Турнир 2005 жылдан бері ұйымдастырылып келеді. Биыл 9-шы мәрте өткізілген жарысқа Астана, Алматы калаларынан жане облыстардан 15 команда, 160-тан астам палуан қатысты. Олар қазақ күресі жүлдесін сарапқа салса, он шақты топ шағын футбол және волейбол ойынының жүлдесі үшін алаңға шықты. Сонымен қатар қазақ күресінен «Түйе палуандар» сайысы ұйымдастырылды.
    Аталмыш сайыс бойынша бас жүлдеге тігілген жеңіл автокөлік қармақшылық Айбек Серікбаевтың еншісіне бұйырды. 2, 3-орынды иеленген спортшыларға ақшалай сыйақылар табысталды. Ал волейбол бойынша өткізілген облыстық ашық турнирде 1 орын Жаңақорған құрама командасына бұйырды.
    Шынар БЕКБАН