ЕНДІГІ ҚАРСЫЛАС – «ҚАЙРАТ»
Үш турдан кейін чемпионат көшін бастап келе жатқан «Қайсар» ойын кестесіндегі үзілісті пайдаланып, Шымкентте қсқа мерзімді оқу-жаттығу жиынын өткізді. Шымқаладағы ОЖЖ кезінде «Қайсар» Ақтаудың «Каспийімен» тең ойнап, «Ордабасы-U21» командасынан 2:0 есебімен басым түсті. Бұл кездесуде Сайди Нтибазонкиза мен Валерий Коробкин көзге түссе, Жамбыл Көкеев пенальтиді голға айналдыра алмады.
Ал 31 наурыз күні «Қайсар» Премьер-Лиганың төртінші туры аясында Алматыда «Қайрат» командасымен ойнайды. Матч 19:30-да басталады. Кездесу «Kazsport» арнасы арқылы тікелей көрсетіледі.
«Қайсар» футбол клубы жергілікті жанкүйерлер үшін Алматыға автобус ұйымдастырып отыр. Анықтама телефоны: +7 7773427951 (Жеңіс Қожамқұлов).
