ҚЫЗЫЛОРДАДА ВОЛЕЙБОЛДАН ҚЫЗДАР АРАСЫНДА ЕЛ ЧЕМПИОНАТЫ ӨТУДЕ
«Мұз айдыны» спорт кешенінің ойын залында 2001-2002 және 2003-2004 жылдары туылған қыздар арасында волейболдан Қазақстан Республикасының көктемгі чемпионаты басталды, деп хабарлайды облыстық спорт және дене шынықтыру басқармасының баспасөз қызметі.
Жарысқа Астана қаласы мен Алматы, Ақтөбе, Ақмола, Жамбыл, Қарағанды, Қостанай, Маңғыстау, Павлодар, ОҚО, ШҚО, Солтүстік Қазақстан және Батыс Қазақстан, Қызылорда облыстарынан 36 команда қатысып, бақ сынауда.
2003-2004 жылғылар арасында алғашқы ойында Қызылорда облысының командасы еліміздің солтүстігінен келген волейболшыларды 3:0 есебімен ұтты.
Айта кетейік, қыздар арасындағы ел чемпионатының жеңімпаздары 28 наурыз күні белгілі болады.
