АРАЛДА ВОЛЕЙБОЛДАН ТУРНИР БАСТАУ АЛДЫ
Бүгін Арал ауданы №19 олимпиадалық резервтің мамандандырылған балалар-жасөспірімдер мектебінің спорт кешенінде волейболдан жасөспірімдер арасында спортшы-оқушы Асқат Ахановты еске алуға арналған дәстүрлі қалааралық турнирдің ашылу салтанаты өтті.
Кезінде аудан, облыс чемпионы атанып, облысымыздың құрама командасының тұрақты мүшесі болған, волейбол спортында өзіндік орны бар А.Ахановты еске алуға арналған турнирде аудан әкімі М.Оразбаев шараның ашылу салтанатымен құттықтап, спортшыларға сәттілік тіледі.
Одан әрі А.Ахановтың әкесінің досы, спорт ардагері Орынбай Әбдікеров ұйымдастырушыларға алғысын білдірді.
Жалпы дәстүрлі турнир 2002 жылдан бастап 5 жыл бойы аудандық деңгейде өткізіліп келсе, 2013 жылдан бастап турнирге Ақтөбе қаласы және облысқа қарасты Байғанин, Ырғыз аудандарынан командалар қатысып, республикалық деңгейде ұйымдастырылып келеді. Биыл ауданымызда XVI мәрте өткізіліп отырған турнирге еліміздің көптеген өңірлерінен 2001-2002 жылы туылған жасөспірімдер қатысуға ниет білдіріп, ер балалар арасынан 17 команда, ал қыздар 11 команда жасақталып келіп отыр.
Айта кетейік, бастау алған жарыс ауданның ОРМБЖМ-де ер балалар арасында, ал, қыз балалар арасында №64 орта мектептің спорт залында өткізілуде. Турнирдің демеушілері аудан әкімдігі, А.Ахановтың достары және спорттағы аға-інілері.
Одан әрі А.Ахановтың әкесінің досы, спорт ардагері Орынбай Әбдікеров ұйымдастырушыларға алғысын білдірді.
Жалпы дәстүрлі турнир 2002 жылдан бастап 5 жыл бойы аудандық деңгейде өткізіліп келсе, 2013 жылдан бастап турнирге Ақтөбе қаласы және облысқа қарасты Байғанин, Ырғыз аудандарынан командалар қатысып, республикалық деңгейде ұйымдастырылып келеді. Биыл ауданымызда XVI мәрте өткізіліп отырған турнирге еліміздің көптеген өңірлерінен 2001-2002 жылы туылған жасөспірімдер қатысуға ниет білдіріп, ер балалар арасынан 17 команда, ал қыздар 11 команда жасақталып келіп отыр.
Айта кетейік, бастау алған жарыс ауданның ОРМБЖМ-де ер балалар арасында, ал, қыз балалар арасында №64 орта мектептің спорт залында өткізілуде. Турнирдің демеушілері аудан әкімдігі, А.Ахановтың достары және спорттағы аға-інілері.
