ОЛИМПИАДА ЖҮЛДЕГЕРЛЕРІНЕ ҚҰРМЕТ КӨРСЕТІЛДІ
Бүгін қала күні қарсаңында облыс әкімі Қ.Көшербаев жуырда өткен Инчхондағы Азия ойындарынан жеңіспен оралған қызылордалық спорт саңлақтары Алмас Өтешов пен оның бапкері Илья Ильин, Қызылорда гандбол командасының бапкері Вячеслав Ким және оның шәкірттерін қабылдады.
Аймақ басшысы спортшыларды жеңістерімен құттықтап, өңіріміздің спорт саласы мен дамуы жолында атқарылып жатқан жұмыстарға тоқталып өтті.
- Мемлекет басшысының қолдауының арқасында спорт саласындағы жетістіктеріміз еселенуде. Биыл Тереңөзек кенті мен Шаған ауылында спорт кешендері халықтың игілігіне берілсе, Нағи Ілиясов ауылында стадион мен спорт кешені, Қазалы, Жаңақорған аудандарында дене шынықтыру-сауықтыру кешендері, Қызылорда қаласында бокс орталығы және ұлттық спорт түрлерін дамыту мақсатында ипподром құрылыстары басталды. Және болашақта Сырдарияның сол жағалауынан 15 мың адамға арналған жаңадан футбол стадионы, оның жанынан стандартқа сәйкес 6 футбол алаңы, Қайсардың базасы және футбол академиясын салу жоспарлануда, - деді облыс әкімі Қ.Көшербаев.
Кездесу соңында жүлдегер спортшыларға қаржылай сыйлық табыс етті.
Аймақ басшысы спортшыларды жеңістерімен құттықтап, өңіріміздің спорт саласы мен дамуы жолында атқарылып жатқан жұмыстарға тоқталып өтті.
- Мемлекет басшысының қолдауының арқасында спорт саласындағы жетістіктеріміз еселенуде. Биыл Тереңөзек кенті мен Шаған ауылында спорт кешендері халықтың игілігіне берілсе, Нағи Ілиясов ауылында стадион мен спорт кешені, Қазалы, Жаңақорған аудандарында дене шынықтыру-сауықтыру кешендері, Қызылорда қаласында бокс орталығы және ұлттық спорт түрлерін дамыту мақсатында ипподром құрылыстары басталды. Және болашақта Сырдарияның сол жағалауынан 15 мың адамға арналған жаңадан футбол стадионы, оның жанынан стандартқа сәйкес 6 футбол алаңы, Қайсардың базасы және футбол академиясын салу жоспарлануда, - деді облыс әкімі Қ.Көшербаев.
Кездесу соңында жүлдегер спортшыларға қаржылай сыйлық табыс етті.
