Kyzylorda-News.kz

    Үстіміздегі жылдың 14-19 қазан аралығында Францияның Ницца қаласында жастар арасында мәнерлеп сырғанаудан халықаралық турнир өтуде. Аталмыш додада қызылордалық Элизабет Тұрсынбаева  алтын жүлдеге ие болды. Биылғы жылы ол 4 мәрте халықаралық турнирдің чемпионы атанса, Гран-при жарыстарының күміс және қола жүлдесін иеленген болатын. Элизабеттің арқасында 4 рет  Мемлекеттік әнұранымыз ойналып, 6 рет әлемнің әртүрлі жерінде мемлекеттік жалауымыз көтерілді.
    Жарысқа 9 мемлекеттен 17 спортшы қатысуда. Элизабет енді 14-19 қарашада Италияның Милан қаласында болатын халықаралық турнирге қатысса, келесі жылдың наурыз айында Эстонияның Таллинн қаласында өтетін Әлем чемпионатында бақ сынайды. Жерлесімізге сәттілік тілейміз!