ӘСКЕРИ-СПОРТТЫҚ САЙЫС ӨТТІ
Сырдария ауданы Тереңөзек кентіндегі №131 орта мектепте ауданаралық әскери-спорттық сайыс өтті, деп жазады аудандық газет тілшісі. «Жас сарбаз» әскери-патриоттық үйірме мүшелері және алғашқы әскери дайындық пәнінің оқытушы-ұйымдастырушысы лейтенант Ж.Кеукенов бірлесе ұйымдастырған сайысқа №210, 36, 135, 126, 137, 131 мектеп оқушылары мен Сырдария агротехникалық колледжінің 1 курс студенттері қатысты. Әскери-спорттық сайыс АК-оқу құрал автоматын бөлшектеп жинақтау, еденнен кеудені көтеру, пневматикалық мылтық ату, газтұмылдырық кию, арқан тарту кезеңдері бойынша өтті. Бұл кезеңдерде сайысқа қатысушылар өздерінің шеберліктерін танытып, жеңіске деген талпыныстарын көрсетті.
Жас өрендердің әскери-спорттық сайысына аудандық қорғаныс істері жөніндегі бөлім бастығы майор Е.Абдуллаев, осы бөлім қызметкері Е.Зейнуллаев, аудандық білім бөлімінің жетекші маманы Р.Бисембаев, ауған соғысы ардагерлері К.Арғынбаев, Ғ.Байтұрғанов, М.Зікиряевтар төрелік етті. Олардың шешімімен жүлделі бірінші орынды №210 О.Әбілпаттаев атындағы орта мектеп оқушылары жеңіп алды. Екінші орынға №131 орта мектеп оқушылары ие болса, үшінші орын №135 орта мектеп оқушыларына бұйырды. Жеңімпаздар арнайы дипломдармен, медальдармен марапатталды.
