СЫРДАРИЯ АУДАНЫНДА ХХҮІІІ «АЛТЫН КҮЗ» СПАРТАКИАДАСЫ АЯҚТАЛДЫ
Қызылорда облысының Сырдария ауданында ауыл спортшыларының XXVIII «Алтын күз» спартакиадасы аяқталды. Бұл туралы облыстық дене шынықтыру және спорт басқармасының баспасөз қызметі хабарлады.
Спорттың 15 түрін қамтитын бұл бәсекеде аймақтың барлық аудандарының құрама командалары өнер көрсетті. Елбасының жыл сайынғы жолдауында атап көрсетілгендей бұқаралық спортты дамыту, ауылдық жерлерде салауатты өмір салтын қалыптастырып, спорттың маңызын арттыру мақсатында өткізілген спартакиадаға 1000-нан аса ауыл спортшылары қатысты. Төрт күнге созылған жарыс қорытындысына келетін болсақ, жалпы командалық есепте Сырдария ауданының командасы – бірінші, Шиелі ауданы – екінші, ал Жаңақорған ауданы үшінші орынға ие болды.
Спартакиаданың жабылу салтанатында облыстық дене шынықтыру және спорт басқармасының басшысы Садық Мұстафаев аталмыш сайысты қорытындылап, жеңімпаз және жүлдегер командаларды марапаттады. Сондай-ақ, спартакиаданың ашылу салтанатында шеруде әдемі және біркелкі спорттық формамен көзге түскен Арал, Сырдария және Жаңақорған аудандары дипломдармен марапатталды.
Кезекті спартакиада жалауын Сырдария ауданы әкімінің орынбасары Ержан Әжікенов Шиелі аудандық дене шынықтыру және спорт бөлімінің басшысы Нариман Сапарбайға табыстады.
Шынар БЕКБАН
Спорттың 15 түрін қамтитын бұл бәсекеде аймақтың барлық аудандарының құрама командалары өнер көрсетті. Елбасының жыл сайынғы жолдауында атап көрсетілгендей бұқаралық спортты дамыту, ауылдық жерлерде салауатты өмір салтын қалыптастырып, спорттың маңызын арттыру мақсатында өткізілген спартакиадаға 1000-нан аса ауыл спортшылары қатысты. Төрт күнге созылған жарыс қорытындысына келетін болсақ, жалпы командалық есепте Сырдария ауданының командасы – бірінші, Шиелі ауданы – екінші, ал Жаңақорған ауданы үшінші орынға ие болды.
Спартакиаданың жабылу салтанатында облыстық дене шынықтыру және спорт басқармасының басшысы Садық Мұстафаев аталмыш сайысты қорытындылап, жеңімпаз және жүлдегер командаларды марапаттады. Сондай-ақ, спартакиаданың ашылу салтанатында шеруде әдемі және біркелкі спорттық формамен көзге түскен Арал, Сырдария және Жаңақорған аудандары дипломдармен марапатталды.
Кезекті спартакиада жалауын Сырдария ауданы әкімінің орынбасары Ержан Әжікенов Шиелі аудандық дене шынықтыру және спорт бөлімінің басшысы Нариман Сапарбайға табыстады.
Шынар БЕКБАН
