«АЛТЫН КҮЗ» СПАРТАКИАДАСЫ АЯҚТАЛДЫ
Үстіміздегі жылдың 6-9 қазан аралығында Қазалы ауданында ауыл спортшыларының XXX «Алтын күз» спартакиадасы өтті.
Спорттың 15 түрін қамтитын бұл бәсекеде аймақтың барлық аудандарының құрама командалары өнер көрсетті. Спартакиадаға 1000-ға жуық ауыл спортшылары қатысты. Салтанатты ашылуында аудан әкімі Нәжмадин Шамұратов, облыстық дене шынықтыру және спорт басқармасының басшысы Садық Мұстафаев жарысқа қатысушыларды құттықтап, сәттілік тіледі. Сондай-ақ, бұқаралық спортты дамытуға қосқан үлесі үшін спорт басқармасының медалімен Семей-Невада республикалық қоғамдық бірлестігінің Арал аудандық филиалының төрағасы Серік Өтебалиев марапатталып, велосипед сыйға тартылды.
Жарыс қорытындысына келетін болсақ, жалпы командалық есепте 110 ұпаймен Жаңақорған ауданының командасы – бірінші, 104 ұпаймен Сырдария ауданы – екінші, 92 ұпаймен Қармақшы ауданы - үшінші орындарға ие болды.
Айта кетейік, келесі жылы спартакиаданың бағдарламасына стритбол, асық ату, арқан тарту және жамбы ату спорт түрлері қосылады.
Кезекті спартакиада жалауын Қазалы ауданы әкімінің орынбасары Арман Қаржаубаев Жалағаш ауданы әкімінің орынбасары Өмірзақ Елеусіновке табыстады.
Жарыс қорытындысына келетін болсақ, жалпы командалық есепте 110 ұпаймен Жаңақорған ауданының командасы – бірінші, 104 ұпаймен Сырдария ауданы – екінші, 92 ұпаймен Қармақшы ауданы - үшінші орындарға ие болды.
Айта кетейік, келесі жылы спартакиаданың бағдарламасына стритбол, асық ату, арқан тарту және жамбы ату спорт түрлері қосылады.
Кезекті спартакиада жалауын Қазалы ауданы әкімінің орынбасары Арман Қаржаубаев Жалағаш ауданы әкімінің орынбасары Өмірзақ Елеусіновке табыстады.
