Kyzylorda-News.kz

 

    28 қыркүйекте облыстық ішкі саясат басқармасымен Қызылорда облысының «Ауған соғысының ардагерлері мен мүгедектерінің кеңесі» қоғамдық бірлестігі №2019 әскери бөлімінде техникалық және кәсіптік білім беру оқу орындарының студенттері арасында "Айбын" әскери-қолданбалы спорттық жарысын өткізді.

    Аталмыш жарыс 6 әскери қолданбалы спорт түрін қамтыды: белтемірге тартылу, автоматты шашып жинау, 100 метрге жүгіру, кеудеде жатып қолды бүгіп, жазу, плащ түріндегі әскери қорғаныс кешенді кию және кедергілерден өту. Шараға 5 колледж студенттері қатысып, барлығы 50 аса жас қамтылды.
    Жарыс нәтижесінде ең жоғарғы көрсеткішті Қызылорда политехникалық колледжі көрсетіп, жалпы командалық есепте І-ші орынды иеленді. ІІ орынды Қазақ гуманитарлық заң және техникалық колледжі, ІІІ орынды М.Мәметова атындағы Қызылорда гуманитарлық колледжі иеленді.