Kyzylorda-News.kz

 

    Ұстаздар мерекесі қарсаңында Қорқыт Ата атындағы Қызылорда мемлекеттік университетінде ардагер-оқытушылар арасында шахмат турнирі өтті, деп хабарлады ҚМУ баспасөз қызметі.

    Шараны университет жанындағы Ардагерлер кеңесі, Кәсіподақ комитеті және ректорат ұйымдастырды. Тақта тартысына оннан аса ардагер-ұстаз қатысты. Олар мұндай тартысты спорттық сайысқа ерекше ықыласпен келіп, бұрынғы әріптестерімен жүздесті. Кәсіби мерекеге таяу күндері осындай қуанышқа кенелгендердің бірі физика-математика кафедрасының оқытушысы Нұртаза Абдрахманов.
    - Университте қырық жылдан астам жұмыс өтілім бар. Сол аралықта ардагер-оқытушылардың елеусіз қалған кезін көрген емеспін. Бұл университет ұжымының ауызбіршілігінің арқасында деп білемін. Ұйымдастырушыларға алғысымды білдіремін. Осындай шаралар өз жалғасын таба берсін,- деді.
    Шахмат турнирінің жеңімпазы мен жүлдегерлері университеттің ұстаздарға арналған мерекелік кешінде марапатталатын болады.