Kyzylorda-News.kz

 

    Қызылорда қаласындағы «Мұз айдыны» спорт кешенінің күрес залында Қызылорда облысы ішкі істер департаментінің қызметкерлері арасында самбо күресінен ашық біріншілік өтті.
    Жарысқа барлық аудандық ішкі істер бөлімдерінің, Қызылорда қаласы Ішкі істер басқармасының, департаменттің қызмет салалары және Қызылорда облысы Мамандандырылған күзет қызметі басқармасының құрама командалары қатысты.
    Тартысты өткен жарыс қорытындысы бойынша командалық есепте І орынды жылдам қимылдайтын арнайы жасақтың құрама командасы жеңіп алды. Қарсыластарына сәл ғана есе жіберіп алған Оқу-жаттығу взводының құрама командасы ІІ орынға тұрақтады, ал Қызылорда облысы мамандандырылған күзет қызметі басқармасының құрама командасы ІІІ орын иегерлері атанды.
    Сонымен қатар, үздік ойын өрнегін көрсеткен 57 кг салмақ дәрежесінде полиция лейтенанты Калипаев Ғалымжан, 62 кг  салмақ дәрежесінде полиция кіші сержанты Орынбасар Жақсыбай, 68 кг  салмақ дәрежесінде полиция майоры Жақсыбаев Қайрат, 74 кг салмақ дәрежесінде полиция аға лейтенанты Тоқсанбаев Алмат, 82 кг  салмақ дәрежесінде полиция аға лейтенанты Тойбағаров Алмат, 90 кг салмақ дәрежесінде полиция лейтенанты Абдуллаев Ержан, 100 кг-нан жоғары салмақ дәрежесінде полиция капитаны Досымов Жасұлан жарыс жеңімпаздары атанды.
    Жарыс жеңімпаздары мен жүлдегерлері дипломдармен марапатталды.
    Қызылорда ОІІД баспасөз қызметі