Kyzylorda-News.kz

 

    Кеше Қызылордада 22 жастағы жігіт тізгіндеген «Мерседес-Бенц» тәртіп сақшыларынан қашып жүргенде олардың көлігіне соқты, - деп хабарлады облыстық ІІД-нің баспасөз қызметі.
    Жас жігіт 2013 жылдың 23 ақпанында автокөлікті мас күйінде басқарғаны үшін сот шешімімен жүргізуші куәлігінен айырылған. Алайда, темір тұлпарға құжатсыз отырған ол полиция қызметкерінің бұйрығына бағынбай, тоқтамай кетеді.
    Осы кезде қарсы бағыттағы «Skoda» маркалы қызметтік автокөлікке соғады. Қазіргі таңда толық тексеру жұмыстары жүргізілуде.