ҚЫЗМЕТКЕРІН ӨЛІМГЕ ҚИҒАН ЭКС-ПОЛИЦЕЙ СОТ АЛДЫНА КЕЛДІ
Тағы бір "қой терісін жамылған Қызылордалық қасқыр" жайлы айтсақ. Мұнда өзінің бұрыңғы қызметкерін өлтірді деген күдікпен қамауға алынған экс-полицейге қатысты сот процесі басталды. Естеріңізде болса, ақпан айында мектеп инспекторы болып қызмет атқаратын Нұрбек Шөменов із-түссіз жоғалып, артынша мәйіті табылған еді. Ал көлігін қала шетінде әлдекімдердің өртеп жібергендігін айтқан болатынбыз. Бүгінде осы оқиғаға қатысты Нұрбектің бұрынғы бастығы Берік Шимановтан өзге үш сыбайласының үстінен бірнеше бап бойынша қылмыстық іс қозғалуда.
Елдің жағасын ұстатқан оқиға-мектеп инспекторы Нұрбек Шөменовтың қазасына күдікті ретінде үш адам қамауда отыр. Ал біреуі қолхатпен босатылған. Басты сезікті қалалық ІІБ ювеналды полиция бөлімінің бұрынғы бастығы Берік Шиманов. Оның қарамағындағы қызметкеріне тіс қайрауына қырық мың теңге пара алды деген арызы себеп болды деген болжам бар. Алты айға жуық жүргізілген тергеу кезінде жиырма алты том материал жинақталыпты.
АРДАҚ СМАҒАНБЕТОВА, ОБЛЫСТЫҚ СОТТЫҢ БАСПАСӨЗ ХАТШЫСЫ:
- Іске куә ретінде жүз бір адам тартылған. Бүгінгі таңда сот талқылауы басталып кетті. Іс сотта қаралуда. Бұл төрт сезіктіге қатысты қылмыстық кодекстің төмендегідей баптарымен айып тағылып отыр қудалау органымен. Яғни ол адам өлтіру, алаяқтық, қаруды заңсыз алып жүру, бөтен адамның мүлкін қасақана бүлдіру, құжаттарды, мөртаңбаларды, мөрлерді ұрлау, қызметтегі әрекетсіздік, қылмыс туралы хабарламау сынды айып тағылып отыр.
Арада біршама уақыт өтсе де, қаза болған полиция қызметкері жақындарының жүрегіндегі жара әлі жазылған жоқ. Артында қалған қос құлыны әкелерін сұрағанда сағынышын қалай басарын білмеймін,- дейді Нұрбектің жары. Сондықтан соттан боталарын боздатқандар қатаң жазаланса деп сұрайды.
ГҮЛМИРА САНСЫЗБАЕВА, НҰРБЕК ШӨМЕНОВТЫҢ ӘЙЕЛІ:
- Отделдің бастығы Шимановтың өзі өлтіріп отыр қасақана. Бұл жерде ұйымдасқан түрде. Өйткені екі қызметкер бар. Соттан әділ шешім күтемін. Енді негізінде мен өлім жазасын ғана күтемін. Немесе өмір бақи бас бостандығынан айырсын. Өйткені кеткен адам қайтып келмейді. Себебі адамның тағдыры шешіліп тұр бұл жерде. Менің екі баламның тағдыры қалай болады ертең.
Айта кетейік, жан түршігерлік оқиға ақпан айында болған еді. Нұрбек Шөменов із-түссіз жоғалып өртке оранған көлігі қала шетінен табылған еді. Ал артынша мүрдесі бейіттердің бірінен қазылып алынған болатын. Қазақстан ІІМ тарихында бұрын соңды болмаған бұл қанды оқиға кімге болса да оңайға соқпады. Осыдан соң, қалалық ІІБ ның бастығы мен бірнеше қызметкері креслосымен қош айтысты.
Елдің жағасын ұстатқан оқиға-мектеп инспекторы Нұрбек Шөменовтың қазасына күдікті ретінде үш адам қамауда отыр. Ал біреуі қолхатпен босатылған. Басты сезікті қалалық ІІБ ювеналды полиция бөлімінің бұрынғы бастығы Берік Шиманов. Оның қарамағындағы қызметкеріне тіс қайрауына қырық мың теңге пара алды деген арызы себеп болды деген болжам бар. Алты айға жуық жүргізілген тергеу кезінде жиырма алты том материал жинақталыпты.
АРДАҚ СМАҒАНБЕТОВА, ОБЛЫСТЫҚ СОТТЫҢ БАСПАСӨЗ ХАТШЫСЫ:
- Іске куә ретінде жүз бір адам тартылған. Бүгінгі таңда сот талқылауы басталып кетті. Іс сотта қаралуда. Бұл төрт сезіктіге қатысты қылмыстық кодекстің төмендегідей баптарымен айып тағылып отыр қудалау органымен. Яғни ол адам өлтіру, алаяқтық, қаруды заңсыз алып жүру, бөтен адамның мүлкін қасақана бүлдіру, құжаттарды, мөртаңбаларды, мөрлерді ұрлау, қызметтегі әрекетсіздік, қылмыс туралы хабарламау сынды айып тағылып отыр.
Арада біршама уақыт өтсе де, қаза болған полиция қызметкері жақындарының жүрегіндегі жара әлі жазылған жоқ. Артында қалған қос құлыны әкелерін сұрағанда сағынышын қалай басарын білмеймін,- дейді Нұрбектің жары. Сондықтан соттан боталарын боздатқандар қатаң жазаланса деп сұрайды.
ГҮЛМИРА САНСЫЗБАЕВА, НҰРБЕК ШӨМЕНОВТЫҢ ӘЙЕЛІ:
- Отделдің бастығы Шимановтың өзі өлтіріп отыр қасақана. Бұл жерде ұйымдасқан түрде. Өйткені екі қызметкер бар. Соттан әділ шешім күтемін. Енді негізінде мен өлім жазасын ғана күтемін. Немесе өмір бақи бас бостандығынан айырсын. Өйткені кеткен адам қайтып келмейді. Себебі адамның тағдыры шешіліп тұр бұл жерде. Менің екі баламның тағдыры қалай болады ертең.
Айта кетейік, жан түршігерлік оқиға ақпан айында болған еді. Нұрбек Шөменов із-түссіз жоғалып өртке оранған көлігі қала шетінен табылған еді. Ал артынша мүрдесі бейіттердің бірінен қазылып алынған болатын. Қазақстан ІІМ тарихында бұрын соңды болмаған бұл қанды оқиға кімге болса да оңайға соқпады. Осыдан соң, қалалық ІІБ ның бастығы мен бірнеше қызметкері креслосымен қош айтысты.
