Kyzylorda-News.kz

 

    «Қызылорда-Сексеуіл» бағытындағы жолаушылар поездының жолаушысы өзімен бірге ірі мөлшердегі есірткілік зат – кептірілген марихуананы заңсыз тасымалдамақ болған. Полицейлер тасымалдаушыны «Алматы-Ақтөбе» пойызына отырмақ болған кезінде ұстады. Бұл туралы Арал аудандық сотының баспасөз қызметі хабарлады.
    Тексеру барысында Б. Есімді азаматта 1 кг 183 грамм кептірілген марихуана анықталған. Арал аудандық сотымен айыпталушыға қылмыстық іс қозғалып, Қазақстан Республикасы ҚК-нің 259 бабының 1-1 бөлігімен кінәлі деп танылып, 3 жыл 6 айға сотталды. Үкім заңды күшіне енбеген.
    Шынар БЕКБАН