Қалтасынан есірткі табылды
Арал аудандық сотында есірткі затын сақтаған азаматтың ісі қаралды, деп хабарлайды oldkaz.kyzylorda-news.kz аудандық соттың баспасөз қызметіне сілтеме жасап.
Айыпталушының іс әрекеті сезік тудырғандықтан полицейлер тоқтатып, куәгерлердің қатысуымен қалталарын тінтіген. Бір қалтасынан 1,71 грамм кептірілген марихуана табылған. Айыпталушының есірткіні заңсыз иемденіп, өзінде сақтағаны белгілі болды.Сотталушы өзінің қылмысын толық мойындап, оның қылмыстық әрекеті толық дәлелденген.
Сот үкімімен ол Қазақстан Республикасының Қылмыстық кодексінің 296-бабының 2-бөлігінде көрсетілген заңды бұзғаны үшін кінәлі деп танылды. Ол 10 айлық есептік көрсеткіш, яғни 24 050 теңге мөлшерінде айыппұлға жазаланды.
