ЖОЛАУШЫЛАР ПОЙЫЗЫНАН ЕСІРТКІ ЗАТЫ ТАБЫЛДЫ
Полиция қызметкерлері «Алматы-Атырау» бағытындағы пойызды қызметтік иттің көмегімен тексеру кезінде жолаушылардың бірінен есірткі тауып алған. Сарапшының қорытындысы оның жалпы салмағы 0,8 гр. кептірілген марихуана екендігін анықтады.
Жалағаш аудандық сотында қылмыстық іс қаралып, сот үкімімен сотталушы ҚР ҚК-нің 296-бабының 2-бөлігіне сәйкес кінәлі деп танылып, оған 120 сағат қоғамдық жұмыс түріндегі жаза тағайындалды.
Үкім заңды күшіне енген жоқ.
Фариза ОМАРОВА
