Kyzylorda-News.kz

 

     Кеше Мәскеу маңындағы Одинцов ауданында Ресейдің Федералдық қауіпсіздік қызметі Санкт-Петербург метросында теракт ұйымдастырушылардың бірін ұстады. Бұл туралы РИА Новости агенттігі хабарлап отыр.

     Ол Орталық Азияның тумасы, 26 жастағы Аброр Азимов болып шықты. Федералдық қауіпсіздік қызметі Азимов Қырғызстан тумасы Акбаржон Джалиловты теракт жасауға дайындаған деген мәлімет айтады.  

     Темір жол бойында қолға түскен Аброр Азимовтың қалтасынан  тапанша, ұялы телефон табылды. Еске сала кетейік, 2017 жылдың 3 сәуірінде Санкт-Петербург метросының "Сенная площадь" және "Технологический институт» бекеттерінде жарылыс болған еді. Жарылыстан зардап шеккендер арасында балалар да бар.