Kyzylorda-News.kz

 

     Алматыда белгілі журналист, көсемсөз шебері Нұртөре Жүсіптің "Мың құмырсқа және біз" атты кітабы жарық көрді, - деп хабарлады «31 арна» тілшісі.

    Автордың мерзімді басылымдарда әр жылдары жарияланған өткір мақалалары мен ой толғамдары жинақталған туындының тұсаукесер салтанатына танымал қаламгерлер мен әдебиетшілер жиналды. Кітапты қолына алып, парақтап көрген зиялы қауым Нұртөре Жүсіптің бұл еңбегі қалың оқырманды бейжай қалдырмайды деген сенімде.
    Үш бөлімнен тұратын публицистикалық жинақ әзірге мың данамен жарық көрген. Кітаптың екі бөлімінде автордың ой-толғамдары мен өткір мақалалары, қоғамға көзқарасы топтастырылған. Ал бір бөлімі белгілі тұлғалар мен замандастарының бейнесін айшықтайтын естеліктермен толыққан.