Kyzylorda-News.kz

 

   Ә.Тәжібаев атындағы облыстық кітапханада журналист, жазушы, публицист, ақын, сыншы, ғалым, ұстаз Тұрсын Жұртбаймен кездесу кеші өтті, - деп жазады кітапхана сайты.

    Тұрсын Жұртбай – әуезовтанушы және абайтанушы. Көркем шығармалары мен зерттеу еңбектері әлемнiң 15 тiлiне, ал ғылыми еңбектерi ЮНЕСКО-ның ресми тiлдерiне аударылған. Алаш қайраткерлерінің шығармалары мен өмір деректері туралы көп ізденіп, солардың негізінде ғылыми еңбектер жазды. Көне түрік батырлары туралы ежелгі саналарды тірілтіп, қазақтың ежелгі тарихына жазушы көзімен барлау жасап, оны жазушының әсерлі тілімен оқушыға жеткізіп жазды.
    Кездесуде Тұрсын Жұртбай оқырмандарға өзінің шығармашылық жұмыстары туралы әңгімеледі. Олардың сұрақтарына жауап берді. Кездесу аясында жазушының өмірі мен шығармашылық жолына арналған кітап көрмесі ұйымдастырылды.