Kyzylorda-News.kz

 

    Қызылорда облыстық әмбебап ғылыми кітапханасында «Тәжібаев оқулары» апталығы аясында «Ә.Тәжібаев және қазақ әдебиетінің өзекті мәселелері» атты оқырмандар конференциясы өтті, - деп хабарлады кітапхана сайты.
    ХХ ғасырдағы қазақ әдебиетінің әсем айшығы болып қаланған, сыршыл суреткершілікті ойшылдықпен ұштастырған, жан-жақтылығымен ерекшеленетін тұлғалардың бірі – Ә.Тәжібаев. Ақын, қазақ поэзиясының заңғары, драматургияда да толымды еңбек жасап, ғылымда да өзінің дара сөзін айта білген.
    «Болашақ» университетінің оқытушылары Тасболат Медетбаев, Сара Тайманова ақынның өмірі мен шығармашылық жолы туралы баяндама оқыды. Оқырмандар конференциясында «Жауһазын – ғұмыр» жас ақын-жазушылар клубының мүшесі Меруерт Маратова ақын өлеңінен үзінді оқып берді.
    Қорытындысында оқырмандар «Сырда туған Сырдың ұлы» атты кітап көрмесімен танысты.