Kyzylorda-News.kz

     Бүгiн Сыр өңірінде Қазақ хандығының 550 жылдығына арналған «Аңыз дала – абыз дала» атты республикалық ақындар айтысы өтуде. Рухани шараның ел бірлігінің іргесін тұрғызып, түркі дүние-¬танымының негізін жасаған ғұлама ойшыл, әлемдік ақыл-ойда айрықша орны бар философ, абыз Қорқыттың дәурен сүрген киелі мекенінде өтуінің мәні зор.
    Сөз додасында Нұрмат Мансұров (Сырдария ауданы), Айдос Рахметов (Қызылорда), Нұрлан Есенқұлов (Шымкент), Аяулы Жұмабек (Алматы қаласы), Мейірбек Сұлтанхан (Шиелі ауданы), Аян Сейітов (Ақтөбе қаласы), Ержан Әміров (Шиелі ауданы), Жансая Мусина (Орал қаласы), Иран-Ғайып Күзембаев (Астана қаласы), Қалижан Білдашев (Шымкент), Сырым Әділбек (Қармақшы ауданы), Нұрлыбек Құрманов (Тараз қаласы), Ержеңіс Әбдиев (Қызылорда), Әсем Ереже (Астана), Айбек Қалиев (Арқалық қаласы), Мұхтар Ниязов (Қызылорда) секілді республикаға белгілі айтыскер ақындар өнер көрсетуде. Айтыскер ақындар өнерсүйер қауымды рухты жырымен сусындатып, елдікті, тәуелсіздікті жырлауда.
    Ақындардың өнерін Журналистер Одағының мүшесі, филология ғылымдарының докторы, қазылар алқасының төрағасы  Намазалы Омашев, «Нұр Отан» партиясы Төрағасының Бірінші орынбасарының кеңесшісі, "Дарын" мемлекеттiк жастар сыйлығының лауреаты Берiк Уәли, «Қоғам ТВ» ЖШС құрылтайшысы, ақын Шәкизада Әбдікәрімов, ақын, сценарист-режиссер, ҚР «Мәдениет Қайраткері» белгісінің иегері Оңталап Нұрмаханов, ақын Серік Ыдырысовтар бағалайды.