СОТ ҚЫЗМЕТКЕРЛЕРІ «ҚАРА. ОҚЫ.ӘН САЛ» ТЕЛЕ-ШОУЫНА ҚАТЫСТЫ
Қызылорда облысы соттарының қызметкерлері «Қазақстан-Қызылорда» телеарнасының «Қара. Оқы. Ән сал» атты теле-шоу бағдарламасына қатысты, деп хабарлады облыстық соттың баспасөз қызметі.
Соттың жас мамандары жұмыс жүктемесіне қарамастан түрлі іс – шараларға белсенді қатысуда. Атап айтқанда, Қызылорда қалалық сотының маманы С.Нұртазина, Қызылорда қалалық №2 сотының маманы Б.Абдули, Қызылорда облысының мамандандырылған ауданаралық экономикалық сотының мамандары Л.Алтынбаева мен А.Әбдіреев ән салу өнерімен сайысқа түсті. Сайыс барысында қазақ және орыс тілдерінде караокемен түрлі әндер орындады. Байқау қорытындысы бойынша Қызылорда қалалық сотының бас маманы С.Нұртазина жеңімпаз атанып, марапатталды.
