«АСТАНА ЖҰЛДЫЗЫ»: МАРҚҰМ БАТЫРХАН ШҮКЕНОВТІҢ СЫЙЛЫҒЫН ӘНШІНІҢ ҰЛЫ АЛДЫ
«Астана Жұлдызы» ұлттық музыка бәйгесінде «Мәдениеттің дамуына қосқан үлесі үшін» арнайы жүлдесі марқұм Батырхан Шүкеновке берілді. Сыйлықты әншінің ұлы Мақсұт Шүкенов пен әртістің директоры Олжас Байқанов алды, деп хабарлайды BNews.kz тілшісі.
Бұл сыйлықты Батырхан Шүкеновпен бірге «Арай» ансамблінде өнер көрсеткен Наджиб Вильданов пен Сағынай Абдуллин табыс етті.
«Біз Наджиб екеуміз бұл сахнада Батырханды біліп қана қоймай, онымен дос болып, бірге көп жылдар бойы бір ансамбльде еңбек еткен адамдар ретінде тұрмыз. Батырхан Шүкенов – шоқтығы биік музыкант. Оның өмірден өтуі барлығымыз үшін ауыр қайғы», - деді С. Абдуллин.
Жүлдені әншінің ұлы Мақсұт Шүкенов пен әртістің директоры Олжас Байқанов алды.
«Батырханның отбасы атынан ұйымдастырушыларға алғыс айтқым келеді. Сахнада Батырдың өзі тұрса, мен бақытты болар едім. Осы жылдары бізбен бірге болған азаматтарға ризашылығымды білдіремін. Батырдың барлық арманын жүзеге асырып, жарық көріп үлгермеген бүкіл әндерін шығарамыз деген үміттемін», - деді О.Байқанов.
«Менің әкемді бағалап, жақсы көретіндеріңіз үшін барлығыңызға рахмет», - деді өз кезегінде Батырхан Шүкеновтің баласы Мақсұт.
Естеріңізге салсақ, Астана қаласы әкімдігі бұл музыкалық бәйгені алғаш рет 2013 жылы Астана күнінің 15 жылдығына орай ұйымдастырды. «Астана Жұлдызы» жобасының бастамашылары кәсіби музыканттар арасында резонанс тудырған бәйгенің отандық музыка өндірісіне тигізер әсерін ескере отырып, шараны жыл сайын өткізуге бел буды. Отандық музыка саласында өз орны бар үздік өнерпаздарды құрамында 100 кәсіби маман еңбегі сіңген әртістер, продюсерлер, композиторлар, ақындар, музыка және fashion-өндіріс мамандары, БАҚ өкілдері кірген Қазақстанның музыкалық академиясы таңдайды. Биыл үздіктер 12 аталым бойынша анықталды, сондай-ақ, бұл салаға еңбегі сіңген бірқатар майталмандарға арнайы сыйлықтар табыс етілді.
Бұл сыйлықты Батырхан Шүкеновпен бірге «Арай» ансамблінде өнер көрсеткен Наджиб Вильданов пен Сағынай Абдуллин табыс етті.
«Біз Наджиб екеуміз бұл сахнада Батырханды біліп қана қоймай, онымен дос болып, бірге көп жылдар бойы бір ансамбльде еңбек еткен адамдар ретінде тұрмыз. Батырхан Шүкенов – шоқтығы биік музыкант. Оның өмірден өтуі барлығымыз үшін ауыр қайғы», - деді С. Абдуллин.
Жүлдені әншінің ұлы Мақсұт Шүкенов пен әртістің директоры Олжас Байқанов алды.
«Батырханның отбасы атынан ұйымдастырушыларға алғыс айтқым келеді. Сахнада Батырдың өзі тұрса, мен бақытты болар едім. Осы жылдары бізбен бірге болған азаматтарға ризашылығымды білдіремін. Батырдың барлық арманын жүзеге асырып, жарық көріп үлгермеген бүкіл әндерін шығарамыз деген үміттемін», - деді О.Байқанов.
«Менің әкемді бағалап, жақсы көретіндеріңіз үшін барлығыңызға рахмет», - деді өз кезегінде Батырхан Шүкеновтің баласы Мақсұт.
Естеріңізге салсақ, Астана қаласы әкімдігі бұл музыкалық бәйгені алғаш рет 2013 жылы Астана күнінің 15 жылдығына орай ұйымдастырды. «Астана Жұлдызы» жобасының бастамашылары кәсіби музыканттар арасында резонанс тудырған бәйгенің отандық музыка өндірісіне тигізер әсерін ескере отырып, шараны жыл сайын өткізуге бел буды. Отандық музыка саласында өз орны бар үздік өнерпаздарды құрамында 100 кәсіби маман еңбегі сіңген әртістер, продюсерлер, композиторлар, ақындар, музыка және fashion-өндіріс мамандары, БАҚ өкілдері кірген Қазақстанның музыкалық академиясы таңдайды. Биыл үздіктер 12 аталым бойынша анықталды, сондай-ақ, бұл салаға еңбегі сіңген бірқатар майталмандарға арнайы сыйлықтар табыс етілді.
