«ЖҰЛДЫЗДЫ АҢЫЗ-ЕРТЕГІЛЕР» ЖОБАСЫ ӨНЕР ЖҰЛДЫЗДАРЫНЫҢ ОҚУЫНДАҒЫ ЖАҢА ЕРТЕГІЛЕРМЕН ТОЛЫҚТЫ
«Нұр Отан» партиясының «Балалық шақ» бағдарламасы аясында жарық көрген, «Altyn Kyran» халықаралық қайырымдылық қоры қолдау көрсеткен жоба - www.ertegiler.kz сайтына еліміздің белгілі өнер қайраткерлерінің оқуындағы 29 ертегі енгізілді. 2014 жылдың желтоқсанында жарияланған ертегілердің аудионұсқасына Жанар Айжанова, Алмас Кішкенбаев, Нұрлан Қоянбаев секілді т.б. өнер жұлдыздарының оқуындағы ертегілер қосылды, деп хабарланған партияның ресми сайтында.
Сонымен бірге Android және iOS платформаларында қолжетімді мобильді қосымшалар да жасалды. Енді ұялы телефонында интернеті бар кез-келген қолданушы өзінің құрылғысына жұлдызды орындаушылардың айтқан ертегілері мен аңыздарын жүктей алады.
«Сайттың алғашқы нұсқасы қазақстандықтардың қызығушылығын тудырды. Мобильді қосымшасының болуы туралы көптеген өтініштер келіп түсті. Сондықтан келе жатқан көктем мерекелері қарсаңында отандастарымызға осындай сыйлық жасап отырғанымызға қуаныштымыз», - дейді жоба авторлары - «Aray Media Group» студиясы өкілдері.
Сайтта ертегілерден басқа тағы бір «балаларға базарлық» бар. Қарақат Әбілдина, Гүлмира Сарина, Жанар Дұғалова секілді жобаға қатысқан әншілер өздерінің әсем дауысымен бесік жырларын да орындап берді. «Негізі, бесік жырларын, ұлттық ертегілерді тыңдап өскен баланың тәні де, жаны да сұлу болып өсетін белгілі. Ал қазақ ертегілерінің ғасырлар бойы жинаған даналығы, аңыз кейіпкерлерінің бойындағы ең жақсы қасиеттер, олардың ерлігі кішкентай тыңдармандардың бойында шынайы патриоттық сезімді оятып, өз тарихына, өз тіліне деген сүйіспеншілікке тәрбиелейтіні аян», - дейді «Aray Media Group» студиясының директоры Марат Ахметжанов. Естеріңізге сала кетейік, www.ertegiler.kz сайты - еліміздің өнер шеберлерінің қатысуымен дайындалған қазақтың халық ертегілері мен аңыздарының бірегей аудионұсқасынан тұрады.
Сонымен бірге Android және iOS платформаларында қолжетімді мобильді қосымшалар да жасалды. Енді ұялы телефонында интернеті бар кез-келген қолданушы өзінің құрылғысына жұлдызды орындаушылардың айтқан ертегілері мен аңыздарын жүктей алады.
«Сайттың алғашқы нұсқасы қазақстандықтардың қызығушылығын тудырды. Мобильді қосымшасының болуы туралы көптеген өтініштер келіп түсті. Сондықтан келе жатқан көктем мерекелері қарсаңында отандастарымызға осындай сыйлық жасап отырғанымызға қуаныштымыз», - дейді жоба авторлары - «Aray Media Group» студиясы өкілдері.
Сайтта ертегілерден басқа тағы бір «балаларға базарлық» бар. Қарақат Әбілдина, Гүлмира Сарина, Жанар Дұғалова секілді жобаға қатысқан әншілер өздерінің әсем дауысымен бесік жырларын да орындап берді. «Негізі, бесік жырларын, ұлттық ертегілерді тыңдап өскен баланың тәні де, жаны да сұлу болып өсетін белгілі. Ал қазақ ертегілерінің ғасырлар бойы жинаған даналығы, аңыз кейіпкерлерінің бойындағы ең жақсы қасиеттер, олардың ерлігі кішкентай тыңдармандардың бойында шынайы патриоттық сезімді оятып, өз тарихына, өз тіліне деген сүйіспеншілікке тәрбиелейтіні аян», - дейді «Aray Media Group» студиясының директоры Марат Ахметжанов. Естеріңізге сала кетейік, www.ertegiler.kz сайты - еліміздің өнер шеберлерінің қатысуымен дайындалған қазақтың халық ертегілері мен аңыздарының бірегей аудионұсқасынан тұрады.
