Шиеліде «Тұлпар мініп, ту алған» байқауының іріктеу кезеңі өтті (ФОТО)
oldkaz.kyzylorda-news.kz. Шиелі ауданында №47 М.В.Ломоносов атындағы мектеп лицейінде «Qazaq Epos» қоғамдық қорының «Тұлпар мініп, ту алған!» республикалық ағарту жобасы аясында «Қобыланды батыр» жырын жатқа айтудан аудандық іріктеу кезеңі өтті.
Байқауға 300-ден аса шығармашыл, ақын жастар қатысып, өзара бақ сынасты.
Қызықты әрі тартысты өткен байқау қорытындысында әділқазылар алқасының шешімі бойынша I орынды №270 мектеп оқушысы - Абылайхан Қарынбай жеңіп алды. Жетекшісі - Несібелі Омарова.
II орынды №47 М.В.Ломоносов атындағы мектеп оқушысы - Аружан Бағдатқызы иеленді. Жетекшісі - Райхан Қилыбаева.
Ал, III орын №46 А.С.Пушкин атындағы мектеп-лицейінің оқушысы - Бейбіт Әмірбайға бұйырды. Жетекшісі - Айзат Динбаева.
Айта ктейік, Қызылорда облысы бойынша аудандық кезең жеңімпаздарының марапаттары мен қаржылай сыйақылары облыстық кезеңде табысталады.
