Қызылордада халықаралық симпозиумның жұмысы қорытындыланды
oldkaz.kyzylorda-news.kz. Қызылордадағы С.Айтбаев атындағы көркемсурет галереясында халықаралық симпозиумның жұмысы қорытындыланды. Шараға облыс әкімі Қырымбек Көшербаев қатысып, бейнелеу өнерінің майталмандарына шығармашылық табыс тіледі.
![](https://oldkaz.kyzylorda-news.kz/uploads/posts/2019-06/1561466741_25simpozium1.jpg)
Қазақстанның еңбек сіңірген өнер қайраткері Салихитдин Айтбаевтың атын иемденген галереядағы көрмеге ҚР Суретшілер одағынан 18 сурет әкелінген. Бұл бастаманың басы-қасында одақтың жауапты хатшысы Жамбыл Нәтбаев жүрді.
Айта кетейік, бұған дейін 500-ге тарта картинасы бар галерея қорына симпозиумнан соң 200 жұмыс қосылыпты. Бұл көрермен көрер сапалы дүниелердің көбейгені мен қолжетімдігін көрсетеді.