Кремльдегі концерт: Димаш – ғарыштан келген бала (видео)
Әлемге танымал әнші Димаш Құдайберген 22-23 наурызда Ресейдің Мемлекеттік Кремль сарайында екі жеке концертін өткізді, деп хабарлайды oldkaz.kyzylorda-news.kz Aikyn.kz сайтына сілтеме жасап.
Оның өнерін тамашалауға бүкіл әлемнен көрермен жиналды. Ресей, Қытай, Америка, Франция, Ұлыбритания және тағы басқа да мемлекеттерді өнерімен тәнті еткен әнші туралы НТВ телеарнасында «Центральное телевидение» бағдарламасында сюжет көрсетілді. Бағдарлама студиясында Димаш «Мадемуазель Хайд» (Mademoiselle Hyde) жаңа композициясын шырқады, оны бұрын канадалық әнші Лара Фабиан орындаған. Музыка авторы – Игорь Крутой. Ол «ән жазуға шабыт беретін мұндай орындаушыны бұрыннан іздегенін» мәлімдеген. «Лара Фабиан: «Ол – ғарыштан келген бала» деп айтқан, – деді композитор. Димаштың өзі бәрінің бақытты және ұзақ өмір сүргенін, әлемде махаббат орнауын қалайтынын айтқан. Сонымен қатар, «Игорь Яковлевичтен көбірек ән алғым келеді», – деді ол.
