«СТУДЕНТТІК КӨКТЕМ» МЕРЕКЕСІ ҚОРЫТЫНДЫЛАНДЫ
Қорқыт Ата атындағы Қызылорда мемлекеттік университетінің 80 жылдық мерейтойына орай ұйымдастырылған «Студенттік көктем-2017» атты өнер фестивалі қорытындыланды. «Студенттік көктем» мерекесі жыл сайын дәстүрлі түрде ұйымдастырылады. Биылда бұл фестивалге 6 факультет қатысып, 6 кезең бойынша өз өнерлерін ортаға салды.
Нәтижесінде 143 ұпаймен бас жүлдеге инженерлі-экологиялық факультеті ие болды. Ал бірінші орын 139 ұпай жиған инженерлі-технологиялық факультетіне берілсе, 131 ұпаймен экономика және ақпараттық технологиялар факультеті екінші орынға, 128 ұпаймен педагогикалық факультеті үшінші орынға ие болды.
Сонымен қатар, филология, тарих және құқық факультеті «Көрермен көзайымы», экономика және ақпараттық технологиялар факультеті «Үздік сахналық безендіру» номинациясына ие болды.
