Kyzylorda-News.kz

 

    Ауыл мәдениеті ұлттық құндылықтарымыздың алтын өзегі. Ондағы  мәдениет ошақтары – ауыл тұрғындарының, мектеп оқушылары мен жастардың бос уақыттарын тиімді өткізу жолында түрлі мәдени шараларды тұрақты ұйымдастырып отыратын орын. Қазіргі таңда мәдениет үйлері жанынан өнер мен әдебиет, мәдениетке қатысты үйірмелер мен бірлестіктер жұмыс жасап, клуб мекемелерінің тұрғындарға ұсынатын мәдени-қызмет түрлерін талапқа сай көрсетіп келеді.

    Осы орайда жуырда Қармақшы аудандық мәдениет үйінде өнегелі өнерімізді, қазақ халқының терең ойлы шығармашылығын паш етіп, мәдениет қызметкерлерінің кәсіпқойлық деңгейін анықтау мақсатында «Мәдениет өркенін бізбен бірге жаса!» атты клуб қызметкерлерінің аудандық командалық байқауы өткізілді. Байқау қортындысы бойынша Тұрмағамбет ауылдық клуб үйінің "Тұрмағамбет таланттары" командасы үздік өнер көрсетіп, облыстық байқауға жолдама алды.