Kyzylorda-News.kz

 

    Қалалық ішкі саясат бөлімі және «Болашақ жастары» жастар қоғамдық бірлестігінің ұйымдастыруымен «Сүйікті қалам – Қызылорда!» тақырыбында қаламыздағы жас солақай суретшілер арасында байқау өткізілді.
    Өмірде солақай суретшілер көп емес. Сондықтан да өнерлі, талантты жастарымызды шыңдау мақсатында өткізілген байқауда жас ерекшеліктеріне байланысты қаламыздағы оқу орындардан және мектептерден екі топтан яғни 6-14 жасқа дейінгі кіші топ, 15-25 жас аралығы үлкен топта өнерлерін сынады. Солақай суретшілер қылқалам арқылы қиялға ерік беріп қаламыздың ең көркем де әсем, сымбатты жерлерін, күн өткен сайын көркейіп келе жатқан қала жетістіктерін бейнеледі.
    Байқауда әділ қазылардың шешімі бойынша кіші топ бойынша І орынды Аружан Асылбекова иеленіп; ІІ орынды Диас Қалтай және ІІІ орынды Азамат Әбдікәрімов қанжығасына байлады. Ал үлкен топ бойынша І орынды Гүлжайна Ысқақова; ІІ орын Шерзада Мәлікназар; ІІІ орын Лаура Қаржаубай иемденді. Байқауға белсенді қатысқан барлық жастар қала әкімінің орынбасары Роза Боханованың алғыс хатымен марапатталып, естелікке бағалы сыйлықтар табысталды.
    Шынар БЕКБАН