ЖӘРКЕН ИСМАҒҰЛОВТЫҢ ШЫҒАРМАШЫЛЫҚ КЕШІ ӨТТІ
Сырдария ауданында Қазақстан Республикасының Мәдениет қайраткері, Сырдария, Жалағаш аудандарының «Құрметті азаматы» Жәркен Исмағұловтың асқаралы 60 жасқа толуына орай «Ауылдан шыққан тума талант» атты шығармашылық кеші болып өтті.
Қолы алтын шебер мен оның ұстаханасын бейнелейтін сахналық көріністен басталған шығармашылық кешті аудан әкімінің орынбасары Б.Өтегенова құттықтау сөзбен ашып, мерейтой иесіне облыс, аудан әкімдерінің «Құрмет» грамотасын табыстап, иығына шапан жауып, ат мінгізді.
Жәркенді жалпы ел біледі. Ол өз қолтаңбасымен ерекшеленетін бірегей өнер иесі. Оның шебер қолынан шыққан еліміздің көрнекті азаматтарының мүсіндері мен портреттері, монументальды мүсіндік композициялары Астана қаласының, облыс, аудан орталықтарының көрнекті жерлерінен ойып орын алып тұр. Мүсіншінің әр жылдары сомдаған «Қорқыт ата кітабының 130 жылдығы монументальдық мүсіндік кешені», «Сыр бойының батырлары монументальдық мүсіндік Бұқарбай батыр» ескерткіші уақыт елегінен өтіп, көрерменнен лайықты бағасын алған, өсмкелең ұрпаққа тәрбиелік мәні зор бірегей туындылар.
Жәркенді жалпы ел біледі. Ол өз қолтаңбасымен ерекшеленетін бірегей өнер иесі. Оның шебер қолынан шыққан еліміздің көрнекті азаматтарының мүсіндері мен портреттері, монументальды мүсіндік композициялары Астана қаласының, облыс, аудан орталықтарының көрнекті жерлерінен ойып орын алып тұр. Мүсіншінің әр жылдары сомдаған «Қорқыт ата кітабының 130 жылдығы монументальдық мүсіндік кешені», «Сыр бойының батырлары монументальдық мүсіндік Бұқарбай батыр» ескерткіші уақыт елегінен өтіп, көрерменнен лайықты бағасын алған, өсмкелең ұрпаққа тәрбиелік мәні зор бірегей туындылар.
