САЗГЕР МЕРЕЙТОЙЫ АТАЛЫП ӨТТІ
Жазушы, ақын, сазгер Әбдісаттар Оспанов 75 жасқа толды. Осыған орай, А.Тоқмағамбетов атындағы мәдениет үйінде ақынға арналған шығармашылық ән кеші өтті, деп хабарлады «Ақмешіт жастары» газеті. Кеш Ә.Оспанов жайлы бейне материалдан бастау алды. Шараға ҚР Мәдениет саласының үздігі, Президент оркестрінің домбырашысы – Б.Дүйсенғазиев, ҚР мәдениет және еңбек сіңірген қайраткері, Президент оркестрінің аға әншісі Э.Жаңабергенова және мәдениет саласының қызметкерлері, облыстың зиялы қауым өкілдері қатысты.
Облыс әкімінің орынбасары Р.Рүстемов мерейтой иесіне ыстық лебізін білдіріп, облыстың «Құрмет грамотасын» және облыс әкімінің ықылас гүлін табыстаса, облыстық ардагерлер кеңесінің төрағасы С.Шаухаманов, «Қазақстан жазушылар одағы» Қызылорда облыстық филиалының директоры Қ.Құрмашқызы ақынның шығармашылығымен бөлісті.
