Kyzylorda-News.kz

 

    Ақтөбе облысының Қызылордадағы күндері аясында Ә.Тәжібаев атындағы облыстық әмбебап ғылыми кітапханасында Қазақстан Жазушылары Одағының мүшесі, ақын, облыстық «Ақтөбе» газетінің бас редакторы Бауыржан Бабажанұлының шығармашылығына арналған поэзия кеші өтті.

    Кешті қызылордалық жазушы, ақын Шахизада Әбдікәрімов жүргізді. Кеш қонақтағы Ақтөбе облысының мәдениет, архивтер және құжаттама басқармасының басшысы Қ.Айтбаев сөз сөйлеп, ақынның шығармашылығына тоқталып өтті.
    Б.Бабажанұлы өз кезегінде кешке жиналған қауымның алдында өзінің өлеңдерін оқып, қырмандар тарапынан келіп түскен сұрақтарға жауап берді.
    Кеш барысында «арманымен қондырған айға өлең» атты кітап көрмесіне библиографиялық шолу жасалды.
    Ақнұр ЖАҒЫПАРОВА