Kyzylorda-News.kz

 

    2014 жылғы 23-26 қыркүйегінде Қызылорда  облысы Төтенше жағдайлар департаменті «Суда құтқару қызметі» ММ-нің суда құтқару базасында «Нептун-2014» судағы төтенше жағдайлар кезіндегі іс-қимылдар бойынша  ҚР ІІМ ТЖК- нің кәсіби авариялық-құтқару қызметтерінің республикалық оқу-әдістемелік жиыны өтеді.
    Жиынға Қазақстанның әр облысынан  ҚР ІІМ ТЖК құтқару бөлімшелерінің 18 командасы қатысуда.
    «Нептун-2014» жиынының негізгі міндеті сүңгуір-құтқарушылар арасында тәжірибе алмасу сүңгуірлік заманауи жабдықтарымен және жарақтарымен жұмыс дағдыларын үйрену, суда құтқару және сүңгуірлік–іздеу жұмыстарын жүргізудің технологияларын зерделеу және жетілдіру болып табылады.
    23–қыркүйекте аталмыш іс-шараның ашылу салтанаты өткізілді. Іс-шара барысында концерттік бағдарлама қойылып, көк туды жоғары көтеру рәсімі өтті. Сонымен бірге төтенше жағдай саласының дамуына үлес қосқан азаматтар марапатталып, суда туды алып өткен қайықтардың шеруі тамашаланды.
    Қызылорда облысы ТЖД  баспасөз қызметі