Kyzylorda-News.kz

 

   ҚР Судьялар одағының Қызылорда облысы бойынша филиалы мен Қызылора облыстық соты аудандық, қалалық және облыстық мерзімді БАҚ, телеарна және радио, интернет¬ ресурстардың журналистері арасында «Сот репортеры» тақырыбында байқау жариялайды.

    Жыл сайын дәстүрге айналып, өткізіліп жүрген байқауға 2016 жылдың 1 қаңтарынан 20 маусым аралығында мерзімді басылымдарда жарияланған мақала, сұхбаттар мен көрсетілген бейнесюжеттер мен телебағдарламалар қазақ және орыс тілінде қабылданады.
    Байқау талаптары бойынша журналистердің авторлық жұмыстары қоғамда заңдылықты және тәртіпті нығатудағы сот қызметі және оның рөлі, сот процестерінің тәрбиелік және алдын-алу профилактикалық рөлі, моральдық - адамгершілік тақырыбындағы сот судьялары жайлы очерктер, сот тәуелсіздігін қамтамасыз ету, олардың мәртебесін нығайту мәселелері туралы, Фемида қызметкерлерінің ауыр, сонымен бірге мәртебелі еңбегін ашуы керек.
    Байқау материалдары «Байқауға!» деген белгімен белгіленіп конкурстық номинацияның атауын, жарияланған күнін, қысқаша аннотациясын, авторы туралы мәліметтерді, (А.Т.Ә., жұмыс орны, кәсібі, тұрғылықты жері, телефон нөмері, электрондық адресі) өтініш жазып, автор материалы жарияланған газет немесе журнал-тұпнұсқада немесе редакциялық баспа куәландырған көшірме, сондай - ақ, электрондық нұсқада (СД-дискіде) ұсынылады.
    Өтініштер мына мекен-жай бойынша қабылданады:  Қызылорда қаласы, Әйтеке би көшесі № 29, тел: 55-97-24.
    Қызылорда облыстық сотының баспасөз қызметі