Kyzylorda-News.kz

 

    Қызылорда облыстық прокуратурасы қылмыстық-атқару жүйесі департаментімен бірлесіп «Сен қоғамға керексің!» атты өңірлік форум ұйымдастырды.
    Түзеу мекемелерінен босатылғандарды қоғамға қайта бейімдеу мен әлеуметтендіру бағытында өткен шараға облыс әкімі, құқық қорғау және мемлекеттік органдардың бірінші басшылары, үкіметтік емес ұйымдардың өкілдері қатысты.
    Форумды облыс прокуроры Сапарбек Нұрпейісов ашып, облыс әкімі Қырымбек Көшербаевқа сөз берді. Баяндамалармен облыс прокурорының орынбасары Қ.Бөрібаев, қылмыстық-атқару жүйесі департаментінің бастығы Ғ.Отарбаев, облыстық жұмыспен қамтуды үйлестіру және әлеуметтік бағдарламалар басқармасының басшысы М.Делмұханов, кәсіпкерлік және туризм басқармасыныңбасшысы М.Төлебаев, "Еңбек” РМК "Еңбек-Қызылорда филиалы директорының міндетін атқарушы Е.Төребеков, қоғамдық байқау комиссиясының төрағасы, Ұлттық алдын алу тетігі қатысушыларының жетекшісі С.Теңізбаев шықты.
    Форум қатысушылардың тақырып бойынша пікір алмасуымен аяқталды.